സ്വന്തം ലേഖകന്: ‘ഐ ആം സോറി ശിവദേ’, കാമുകിയോട് ക്ഷമ ചോദിച്ച് നാടു മുഴുവന് ഫ്ലക്സ്; പൂനെ സ്വദേശിയായ യുവാവിനെതിരെ കേസ്. എം.ബി.എ വിദ്യാര്ത്ഥിയായ ഖേദേക്കറാണ് 72,000 രൂപ ചെലവിട്ട് തന്റെ കാമുകിയുടെ വീട്ടിലേക്കുള്ള വഴിയിലെ ഇലക്ട്രിക് പോസ്റ്റിലെല്ലാം ‘ഐ ആം സോറി ശിവദേ’ എന്ന് ഫ്ലക്സ് വച്ചത്. പൂനെയിലെ പിംപ്രി മേഖലയിലാണ് സംഭവം നടന്നത്.
ഏതാനും ദിവസം മുമ്പാണ് പ്രദേശത്തെ റോഡരികില് മുഴുവന് ഐ ആം സോറി ബോര്ഡുകള് പ്രത്യക്ഷപ്പെട്ടത്. ഏതാണ്ട് മുന്നൂറോളം ബോര്ഡുകള് ഇത്തരത്തില് ഉണ്ടായിരുന്നു. ഇക്കാര്യം ശ്രദ്ധയില് പെട്ട നാട്ടുകാര് വിവരം കോര്പ്പറേഷന് അധികൃതരെ അറിയിക്കുകയും അനധികൃതമായി ബോര്ഡുകള് വച്ചതിന് പൊലീസില് പരാതി നല്കുകയുമായിരുന്നു. തുടര്ന്ന് പൊലീസ് നടത്തിയ അന്വേഷണത്തിലാണ് ഖേദേക്കറിനെക്കുറിച്ച് വിവരം ലഭിക്കുന്നത്.
താന് ശിവദേ എന്ന് വിളിക്കുന്ന തന്റെ കാമുകിയുമായി പിണക്കത്തിലാണെന്നും ഇത് തീര്ക്കാനാണ് ബോര്ഡ് വച്ചതെന്നും ഇയാള് പൊലീസിനോട് പറഞ്ഞു. തന്റെ സുഹൃത്തുമായി ചേര്ന്നാണ് ഖേദേക്കര് പദ്ധതി നടപ്പിലാക്കിയതെന്നും പൊലീസ് വൃത്തങ്ങള് അറിയിച്ചു. കോര്പ്പറേഷന് അധികൃതരുടെ പരാതിയില് കേസെടുത്തതിനാല് ഖേദേക്കര് നിയമനടപടി നേരിടേണ്ടി വരുമെന്നും പൊലീസ് ഉദ്യോഗസ്ഥര് കൂട്ടിച്ചേര്ത്തു.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല