സ്വന്തം ലേഖകൻ: മരട് ഫ്ളാറ്റുടമകള്ക്ക് നഷ്ടപരിഹാരം നല്കുന്നതുമായി ബന്ധപ്പെട്ട തീരുമാനമെടുക്കാനുള്ള സമിതിക്ക് സുപ്രീംകോടതി രൂപം നല്കി. കേരളാ ഹൈക്കോടതിയില് നിന്ന് വിരമിച്ച ജസ്റ്റിസ് കെ ബാലകൃഷ്ണന് നായര് അധ്യക്ഷനായ സമിതിയാണ് രൂപവത്കരിച്ചത്.
മരടിലെ നാല് ഫ്ളാറ്റ് നിര്മാതാക്കളുടെ സ്വത്തുവകകള് കണ്ടുകെട്ടുന്നതായും ഇവരുടെ ബാങ്ക് അക്കൗണ്ടുകള് മരവിപ്പിക്കുന്നതായും കോടതി പുറത്തിറക്കിയ ഉത്തരവില് വ്യക്തമാക്കുന്നുണ്ട്. ഫ്ളാറ്റുകൾ ഒഴിപ്പിക്കുന്നതിന് സർക്കാർ തയ്യാറാക്കിയ കർമ്മ പദ്ധതിയുമായി മുന്നോട്ട് പോകുമെന്ന് ചീഫ് സെക്രട്ടറി വ്യക്തമാക്കിയിരുന്നു.
ഒഴിഞ്ഞുപോകാന് തയ്യാറായ ഫ്ളാറ്റ് ഉടമകള്ക്ക് സര്ക്കാര് നാല് ആഴ്ചയ്ക്കുള്ളില് 25ലക്ഷം രൂപ നഷ്ടപരിഹാരം നല്കണമെന്ന് വെള്ളിയാഴ്ച കോടതി ഉത്തരവിട്ടിരുന്നു. ഇതുകൂടാതെ നഷ്ടപരിഹാരമായി നല്കേണ്ട ബാക്കി തുക എത്രയായിരിക്കണമെന്ന് കണക്കാക്കുന്ന ചുമതല ജസ്റ്റിസ് ബാലകൃഷ്ണന് നായര് അധ്യക്ഷനായ സമിതിയുടേതായിരിക്കും.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല