സ്വന്തം ലേഖകന്: യുകെയിലെ സാഹിത്യ പുരസ്കാര പട്ടികയില് ഇടംനേടി അരുന്ധതി റോയും മീന കന്ദസ്വാമിയും. യുകെയിലെ വുമണ്സ് പ്രൈസ് ഫോര് ഫിക്ഷന് പുരസ്കാരത്തിനുള്ള പട്ടികയിലാണ് ഇന്ത്യക്കാരായ അരുന്ധതി റോയും മീന കന്ദസ്വാമിയും ഇടം പിടിച്ചിരിക്കുന്നത്.
ലോകത്താകമാനമുള്ള ഇംഗ്ലീഷ് എഴുത്തുകാരില് നിന്ന് തിരഞ്ഞെടുക്കപ്പെട്ടവര്ക്കാണ് പുരസ്കാരം നല്കുന്നത്. 30,000 പൗണ്ടും വെങ്കല പ്രതിമയുമാണ് പുരസ്കാര ജേതാവിന് സമ്മാനമായി ലഭിക്കുക. പതിനാറു പേരാണ് അന്തിമ പട്ടികയില് ഇടം നേടിയിട്ടുള്ളത്.
The minitsry of utmost happiness എന്ന നോവലിനാണ് അരുന്ധതി റോയ് പുരസ്കാരത്തിന് പരിഗണിക്കപ്പെട്ടത്. When i hit you, or a potrrait of the writer as a young wife എന്ന നോവലിനാണ് മീന കന്തസ്വാമി പട്ടികയില് ഇടം നേടിയത്. ഏപ്രില് 23നാണ് വിജയിയെ പ്രഖ്യാപിക്കുന്നത്. ജൂണ് 6ന് ലണ്ടനില് നടക്കുന്ന ചടങ്ങില് പുരസ്കാരം സമ്മാനിക്കും.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല