സ്വന്തം ലേഖകന്‍: മരത്തില്‍ നിന്ന് തലകുത്തി വീണത് കമ്പിയിലേക്ക്; തലയിലൂടെ കമ്പി തുളച്ചുകയറിയ യുഎസ് ബാലന്റെ അത്ഭുതകരമായ രക്ഷപ്പെടല്‍. സേവിയര്‍ കണ്ണിങ്ഹാമെന്ന പത്തുവയസുകാരനാണ് മരത്തില്‍ നിന്നും കമ്പിയുടെ മുകളിലേയ്ക്ക് വീണത്. വീഴ്ച്ചയെ തുടര്‍ന്ന് ഇറച്ചി കുത്തിവെയ്ക്കുന്ന കമ്പി സേവിയറിന്റെ മുഖത്തുകൂടി തലയിലേക്ക് തുളഞ്ഞു കയറുകയായിരുന്നു.
കമ്പി കുത്തികയറിയ മുഖവുമായി വീട്ടിലേക്ക് കരഞ്ഞുകൊണ്ടു വന്ന മകനെ അമ്മ ഗബ്രിയേല ഉടന്‍ തന്നെ ആശുപത്രിയിലെത്തിച്ചു. കമ്പി ചതുര രൂപത്തിലായത് കൊണ്ട് അരികുകള്‍ക്ക് മുര്‍ച്ചയുണ്ടാകുമെന്നതിനാല്‍ മണിക്കൂറുകള്‍ നീണ്ട ശസ്ത്രക്രിയയിലൂടെയാണ് ഡോക്ടര്‍മാര്‍ പുറത്തെടുത്തത്. ആറിഞ്ച് നീളത്തില്‍ കമ്പി കുത്തി കയറിയിട്ടും പ്രധാനപ്പെട്ട ഭാഗങ്ങളില്‍ തട്ടാതെ കടന്നു പോയത് അദ്ഭുതമാണെന്ന് കാന്‍സാസ് സിറ്റി ആശുപത്രി ന്യൂറോസര്‍ജര്‍ തലവന്‍ പറഞ്ഞു.
കണ്ണിനും തലച്ചോറിനും സുഷുമ്‌നയ്ക്കും മറ്റു പ്രധാന രക്തധമനികളിലും തട്ടാതെയാണ് കമ്പി കടന്നു പോയത്. ബ്ലീഡിങ് ഇല്ലാത്തതിനാല്‍ വിദ്ഗദ്ധ സര്‍ജന്‍മാരുടെ വിളിച്ചുവരുത്താനുള്ള സമയം ആശുപത്രി അധികൃതര്‍ക്ക് ലഭിച്ചിരുന്നു. ശസ്ത്രക്രിയ വിജയകരമായി പൂര്‍ത്തിയായതായും സേവ്യറിന് വേഗം തന്നെ വീട്ടിലേക്ക് മടങ്ങാനാവുമെന്നും, ആരോഗ്യം വീണ്ടും പൂര്‍വ്വസ്ഥിതിയിലേയ്ക്ക് കൊണ്ടുവരാനാകുമെന്നും ആശുപത്രിവൃത്തങ്ങള്‍ അറിയിച്ചു. ചിലപ്പോള്‍ സേവിയറിന്റെ സംസാരിക്കാനുള്ള കഴിവിനെ ഇത് ബാധിച്ചേക്കുമെന്നും ഡോക്ടര്‍മാര്‍ സൂചിപ്പിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല