Appachan Kannanchira (ഹെയര്‍ഫീല്‍ഡ്): ഗ്രേറ്റ് ബ്രിട്ടന്‍ സീറോ മലബാര്‍ രൂപതയുടെ നേതൃത്വത്തില്‍ വിവിധ മിഷന്‍ സെന്ററുകളും റീജണുകളും കേന്ദ്രീകരിച്ച് നടത്തപ്പെടുന്ന വാര്‍ഷീക ധ്യാനങ്ങളുടെ ഭാഗമായി ഹെയര്‍ഫീല്‍ഡ് സെന്റ് പോള്‍ കത്തോലിക്കാ ദേവാലയത്തില്‍ വെച്ച് ത്രിദിന ധ്യാനം സംഘടിപ്പിക്കുന്നു.പ്രശസ്ത ധ്യാന ഗുരുവും, തൃശൂര്‍ അതിരൂപതയുടെ കീഴില്‍ സുവിശേഷവല്‍ക്കരണ പ്രേഷിതമുന്നേറ്റമായ ‘ഷെക്കിന’ മിഷന്‍ ടീമംഗമായ ബ്രദര്‍ സന്തോഷ് കരുമാത്രയാണ് ഹെയര്‍ഫീല്‍ഡില്‍ തിരുവചന ശുശ്രുഷ നയിക്കുന്നത്.
കുട്ടികള്‍ക്കായും പ്രത്യേക ആല്മീയ ശുശ്രുഷകള്‍ തദവസരത്തിലേക്കായി ക്രമീകരിച്ചിട്ടുണ്ട്. പ്രീസ്റ്റ് ഇന്‍ ചാര്‍ജ്ജ് ഫാ.സെബാസ്റ്റ്യന്‍ ചാമക്കാല കുട്ടികളുടെ ശുശ്രുഷകള്‍ക്കു നേതൃത്വം നല്‍കും. ടെന്‍ഹാം കത്തോലിക്ക ദേവാലയത്തില്‍ വെച്ചാണ് കുട്ടികള്‍ക്കായുള്ള ധ്യാനം സംഘടിപ്പിക്കുന്നത്.
വലിയ നോമ്പിന്റെ ചൈതന്യത്തില്‍ ഉദ്ധിതനായ ക്രിസ്തുവിലൂടെ വ്യക്തിപരമായും, കുടുംബപരമായും ദൈവ കൃപകള്‍ ആര്‍ജ്ജിക്കുവാന്‍ ലഭിക്കുന്ന ഈ സുവര്‍ണ്ണാവസരം വിനിയോഗിക്കുവാന്‍ ഏവരെയും സസ്‌നേഹം ക്ഷണിച്ചു കൊള്ളുന്നു.
വാറ്റ്‌ഫോര്‍ഡ്, ഹെയ്‌സ്, സ്ലോ, ഹെയര്‍ഫീല്‍ഡ്, ഹൈവെകോംബ്, ഹോണ്‍സ്ലോ, എയ്ല്‍സ്ബറി തുടങ്ങിയ കുര്‍ബാന സെന്ററുകളില്‍ നിന്നുമുള്ളവരാണ് ഹെയര്‍ഫീല്‍ഡിലെ ധ്യാനത്തില്‍ പങ്കു ചേരുക. വാര്‍ഷീക ധ്യാനത്തിന്റെ വിജയത്തിനായി മാദ്ധ്യസ്ഥ പ്രാര്‍ത്ഥനകള്‍ നടന്നു വരുന്നു.
കൂടുതല്‍ വിവരങ്ങള്‍ക്ക് അതാതു സെന്ററുകളിലെ ട്രസ്റ്റിമാരായോ അല്ലങ്കില്‍ ജോമോന്‍ ഹെയര്‍ഫീല്‍ഡുമായോ (07804691069 ) ബന്ധപ്പെടാവുന്നതാണ്.
ധ്യാന സമയ ക്രമം.
മാര്‍ച്ച് 8 വെള്ളിയാഴ്ച്ച 16 :00 20 :00
9 ശനിയാഴ്ച്ച 10.30 to 17 :00
10 ഞാറാഴ്ച 13 :00 to 19 :30
St. Paul’s Church, 2 Merele Avenue, Harefield , UB9 6DG.
The Most Holyname church, Oldmill Road, UB9 5AR , Denham.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല